almading 2010-5-23 10:56
老撒气额叫声！
安静额周末早廊厢，被一声声行业垄断性额叫声“回搜，猜地、柄箱、空吊、第思机、第老、旧叟机”吵得烦了勿得了。而且一天像轮番轰租样额要听到好几趟。格叫宁心烦额叫声凸显相关管理部门额缺失！侬完全可以了每个街道专设一个定点额回收站，可以接到电话上门回收。格能即可以避免噪声污染又可以省特勿必要额兜来兜去更可以集中处理报废额电子产品！嘎利民额事体相关管理部门为啥勿可以担起来做一做呢？现在格只行业好像无政府状态。难道就嘎难吗？阿拉几千亿嘎闹猛额世博会阿办的轰轰烈烈来，格眼小事体不应该弄勿好伐？TZ们那刚呢？.
youyoupapa 2010-5-23 16:42
小辰光，
“鸡肫皮，甲鱼壳”，
“鹅毛鸭毛有伐”，
一点也不惹气。.
Jennierunrun 2010-5-23 23:30
猜地跟第思机有撒区别啦？难道现在还有黑白第思机?.
ruixuet 2010-5-24 03:45
投诉物业！小区佛库伊高声叫卖有规定额。
老早弄堂里收旧货艾弄只电喇叭挂了脚踏车廊，阿拉跟句湾湾反映，句湾湾港伊拉牙地拧破上海宁听佛清爽亚:lol
阿拉小区佛准叫卖进小区额，刚开始物业搞佛定伊拉，阿拉搞定物业-佛高管理费，效果交关灵。.
熙熙0212 2010-5-24 08:28
阿拉格搭伐是小区里叫，是小区后门边郎额小马路上，格人每天要几只来回了，伊反正是电喇叭，伊啊伐且力，有辰光真恨伐得最好耐拨枪耐伊只电喇叭打特。.
亦然妈咪 2010-5-24 09:30
还有：棒冰切伐，赤豆棒冰~~~~~~~~
老早才是每个礼拜额休息天总归有人在弄堂门口蹲点收旧货额。
么声音，生意阿老好额。.
almading 2010-5-24 09:47
回复 6#Jennierunrun 的帖子
是个能额，有辰光是猜地，有辰光第思机呀，就是写了一道了呀。侬马马虎虎看看么好来。:lol.
城市的风 2010-5-24 09:51
回复 1#almading 的帖子
跌个侬就不晓得了。本年度最热门的行业之一就是回收旧家电了。
我最近买了三个彩电一个空调总算领教了其中的黑幕。
以旧换新虽然市政府发起的活动，但是真正肥了的可是那些有背景的回收业者.
almading 2010-5-24 10:13
阿拉格的额居委委才是做度事体额，像发发老干部额慰问品、:P 选举老撒额就老起劲额。各种小事体伊拉懒得管。前两年冬天落度雪，弄堂里老老小小老难走额，我想起了老早小辰光里委会的组织扫雪额，现在额哪能喃老早额光荣传统才笃特了？我愤而闹起电话投诉到嘎道，结果格搜就看到一群“懒婆娘”扫帚铲子出来清出一条路来------:P.
almading 2010-5-24 10:20
哦哟，是额呀。我啊是年前掉只“地思机”，把伊拉只29蹭，结果伊拉拉回公司额是12蹭，据刚29蹭闹到2手货市场交易特了。1只还么啥，100只1000只------.